ನಾನು ನೀನು ಸೇರುವ
ದಾರಿಯೆಲ್ಲಿದೆ?
ನಡೆದು ನಡೆದೂ
ನನಗೆ ಸುಸ್ತಾಗಿದೆ

ನಾನು ನೀನು ಹೋಗುವ
ಗಮ್ಯವೆಲ್ಲಿದೆ
ಕಣ್ಣಿದ್ದು ಕಾಣದೆ
ನೋಟ ಮಂಕಾಗಿದೆ

ನಾನು ನೀನು ಮಾಡುವ
ಕೆಲಸವೇನಿದೆ
ಸುಮ್ಮನೆ ಪ್ರೀತಿಸುತ್ತಾ
ಇದ್ದರೆ ಸಾಲದೇ

ನಾನು ನೀನು ಏನೇನು
ಸಾಧಿಸಬೇಕಿದೆ
ಉಸಿರಿರುವ ತನಕ
ಜೊತೆಗಿದ್ದರೆ ಆಗದೇ

ನಾನು ನೀನು ಏಕೆ
ಬದುಕಬೇಕಿದೆ
ನಿಯಮತಪ್ಪಿ ನಡೆದರೆ
ವಿಧಿ ಅದ ಒಪ್ಪುವುದೇ

ನಾನು ನಿನ್ನ ನೀನು ನನ್ನ
ಪ್ರೀತಿಸುವುದೇನಿದೆ
ಅಯ್ಯೋ ಇಲ್ಲದಿದ್ದರೆ
ಬದುಕುವ ಹಕ್ಕು ನಮಗೆಲ್ಲಿದೆ

ಗೆಳೆಯ,
ಮೋಹನ್ ಕುಮಾರ್ ಡಿ ಎನ್